გუშინ იყო, იტალიურმა „ფიორენტინამ“ მთავარი მწვრთნელი სტეფანო პიოლი რომ გაათავისუფლა და დღეს ვინჩენცო მონტელას ორწლიანი კონტრაქტი გაუფორმა.
მონტელა 2012-2015 წლებში უკვე წვრთნიდა „ფიორეს“. მაშინ მისი ხელმძღვანელობით 153 შეხვედრიდან 81 მოიგო, 32 ფრედ დაასრულა და 40-ჯერ დამარცხდა. ამის გარდა 44 წლის მონტელამ „რომაში“, „კატანიაში“, „სამპდორიაში“ და „მილანში“ მუაშაობაც მოასწრო. მისი ბოლო კლუბი „სევილია“ იყო, საიდანაც გასული წლის გაზაფხულზე გაათავისუფლეს.
„ფიორენტინას“ ამჟამად 39 ქულა აქვს და იტალიის ჩემპიონატში მე-10 ადგილს იკავებს. კლუბის ხელმძღვანელობის მიზანი ევროტურნირების ზონაში მოხვედრაა.
