მოხდა ის, რომ საერთო ჯამში 18 ქვეყნის წარმომადგენელი 41 სპორტსმენი ძალოსნობის ევროპის ჩემპიონატიდან მოიხსნა.
ამის მიზეზი ანტისადოპინგო სააგენტოს სისტემა ADAMS- ში პირადი მონაცემების შეტანისას დაშვებული დარღვევებია. ხსენებული სისტემა 2005 წლიდან მუშაობს. მისი მეშვეობით ანტისადოპინგო სააგენტო მუდმივად თვალს ადევნებს სპორტსმენის გადაადგილებებს ვარჯიშებზე, შეკრებებზე, დასასვენებლადაც კი და საშუალება აქვს, ნებისმიერ დროს და ადგილას გაუგზავნოს ექსპერტები დოპინგზე სინჯის ასაღებად.ბათუმის ევროჩემპიონატიდან მოხსნილი სპორტსმენები გააფრთხილეს, რომ დარღვევის განმეორების შემთხვევაში ოლიმპიადაზე არ დაუშვებენ.
არიან თუ არა მოხსნილთა შორის ქართველები? ფედერაციას ოფიციალური განცხადება არ გაუვრცელებია. ფედერაციის წინააღმდეგ გაილაშქრა ექსდეპუტატმა დიმიტრი ლორთქიფანიძემ, რომლის ქალიშვილსაც მინაწილეობა უნდა მიეღო ჩემპიონატში.
ლორთქიფანიძემ ტურნირიდან მისი მოხსნა ასანიძისა და კახიაშვილის პოლიტიკურ ინტრიგებად მონათლა, თუმცა ვეჭვობთ, ამ შემთხვევაშიც ADAMS-ს სისტემის დარღვევასთან გვაქვს საქმე.
