ლაზარე კუპატაძე რომ საქართველოს ჩემპიონ „საბურთალოდან“ ლუქსემბურგის „ჟენესში“ გადავიდა, ეს გეცოდინებათ.
კუპატაძეს გასულ ტურში ჰქონდა დებიუტი და თანაც, ლუქსემბურგის საუკეთესო კლუბთან – ლევან ყენიას „დუდელანჟთან“. 0:3 წაგების მიუხედავად, კუპატაძეს ბევრი ქება ხვდა წილად. ურთულესი ბურთები მოიგერია და რომ არა მისი სეივები, „ჟენესი“ არასაფეხბურთო ანგარიშით დამარცხდებოდა.
კუპატაძე ტურის სიმბოლურ ნაკრებშიც მოხვდა. ჩვენი იქაური კოლეგები კი წერენ, რომ ქართველმა მეკარემ უძლიერესი და უმშვენიერესი მატჩი ჩაატარაო.
„დუდელანჟი“, როგორც იცით, ევროპა ლიგის ჯგუფურ ეტაპზე გავიდა, რაც სენსაცია იყო. გუნდმა ლამის ტოლ–სწორად ითამაშა „მილანთან“ და „ბეტისთან“. ყოველ შემთხვევაში, არ შერცხვა.
კუპატაძეზე დაწერეს, რომ ყენიას თანამემამულეა და მისი სახით „ჟენესმა“ დიდი ძალა შეიმატა. ლაზარე საქართველოს 21–წლამდელტა ნაკრების ყოფლი მეკარეა და რამდენჯერმე ეროვნულ ნაკრებშიც გამოიძახეს.
