ეს რა ჭირი გვჭირს? დილას გავრცელებული ინფორმაცია თურქეთში ქართველი ფეხბურთელების დაკავების შესახებ ჯერ არ მოგვენელებინა და ახლა ეპიცენტრი იაპონიაა. ჩვენი საელჩოს მიერ გავრცელებულ განცხადებაში ნათქვამია, მათთან ინფორმაცია ოსაკას პოლიციიდან შევიდა.
დაკავებული საქართველოს ძიუდოისტთა ნაკრების მწვრთნელი ირაკლი ცირეკიძე გახლდათ. ის ამჟამად თავისუფალია. საელჩო მუდმივ კონტაქტშია როგორც პოლიციის შესაბამის სამსახურებთან, ასევე თავად ცირეკიძესთან.
ჯერჯერობით უცნობია, რა გახდა ქართველი ოლიმპიური ჩემპიონის დაკავების მიზეზი.
