„რეალისა” და ესპანეთის ნაკრების კაპიტანი სერხიო რამოსი ბედნიერია — მისი ცხენი, სახელად „იუკატანი” მსოფლიოს ჩემპიონი გახდა.
რამოსმა „ლა როხას” ბანაკი ხორვატიასთან დამარცხების შემდეგ დატოვა. მან ისარგებლა იმ გარემოებით, რომ მცირე ტრავმა მიიღო და სევილიასკენ გაეშურა, სადაც SICAB ანუ ცხენების საერთაშრისო შოუ-გამოფენა ტარდებოდა.
ხსენებულ შოუზე ერთ-ერთი ღირსშესანიშნავი ამბავი გახლდათ ის, რომ ესპანური ფეხბურთის ვარსკვლავის ერთ-ერთმა ცხენმა ეგრეთწოდებულ მორფოლოგიურ ანუ ფორმისა და აგებულების შეჯიბრებაში პირველი ადგილი დაიკავა, რასაც ის და მისი მეგობრები საპრეზიდენტო ლოჟიდან ადევნებდნენ თვალს.
