ლაშა შავდათუაშვილს მსოფლიოს ჩემპიონობის უმთავრეს კანდიდატთა შორის არ ასახელებდნენ, მაგრამ ამდენი ტიტულისა და ასეთი გამოცდილების პატრონს ნებისმიერის წაქცევა შეუძლია. ასეთი ნებისმიერები ყატარელი რებაჰი, ბელორუსი შოკა და ფრანგი ბენჟამენი აღმოჩნდნენ. მეოთხედფინალში ჩვენებური ირანელი მოჰამად მოჰამადისგან იძლია და რეპეშაჟში გადაინაცვლა. ლაშა ვერც მონღოლ ცენგ-ოშერ ცოგბაატართან ვერას გახდა და გულდასაწყვეტი მარცხით დაემშვიდობა ბაქოურ ტატამს.
როგორც გუშინ გამცნეთ, ორშაბათიდან ბაქოურ ამბებს “სარბიელისთვის” მოვლენათა ეპიცენტრიდან პაატა კვანტალიანი გააშუქებს. ჩვენი ლიდერები სწორედ მაშინ გავლენ ტატამზე.
