- ბიჭები სად არიან?
- რავი, ზოგი სად, ზოგი სად.
- აბა, ყველანი იქ არიანო?
- მოიცა, შენ ვისზე მეკითხები?
ჩვენებზე რა, ფარიასზე, ჯანფრანკოზე, მარიოზე…- ჰოო, ეგენი დაიმტვრნენ და ლუდნახებში მკურნალობენ. ვინც არ დაიმტვრა და კონდიციებს ვერ აკმაყოფილებს.
- მერე სად არიან ეგ კონდიცია დაუკმაყოფილებლები?
- რა ვიცი. ალბათ ბაჰამის კუნძულებზე…
- ვერ ყოფილან კარგი ბიჭები. მათი ძმაკაცები ოფლს ღვრიან, ეგენი კი პლაჟებზე კოტრიალობენ?
- რა ქნან. კონდიციებს ვერ აკმაყოფილებენ.
- და გაზა?
- რა გაზა?
- გაზაც ვერ აკმაყოფილებდა მაგრამ…
- რა მაგრამ?
- უნამუსო ყოფილა ეგ ჰოდლი. კაცს ცხრა დღე ყლუპი ლუდი არ დაულევია და მაინც კონდიციებიო…
- ეეე, ჰოდლს ეგ შეეშლებოდა?
- ჰოდლს იმდენჯერ შეშლია, რომ არსენ ვენგერსაც კი გაუკვირდება.
- არსენ ვენგერი ვინ არის?
- შენ რა, ფეხბურთისა არაფერი იცი?
- ვენგერი და ფეხბურთი რა შუაშია?
- ეჰ, აღარ მინდა ლაპარაკი.
- მოიცა, გამაგებინე, ვენგერი ვინ არის?
- ვენგერი არის კარგი ემე ჟაკე.
- და ემე ჟაკე ვინღაა?
- ამბობენ მწვრთნელიაო.
- და გაზა?
- გამაგებინე რა გინდა…
- რა შუაშია აქ გაზა?
- გაზა ყოველთვის შუაშია.
- ყოველთვის?
- ჰო, ჰოდლს ჰგონია, რომ თვითონ არის შუაში, ამ დროს კი გაზაა შუაში.
- და გაზა ხომ კონდიციების გამო არ შეიყვანეს?
- სწორედ მაგაშია საქმე. ამიტომ შუაში არავინ არ არის.
და ბექემი?- თავი დაანებეთ მაგ ბიჭს. და ჰყოლია წამლის ბარიგა.
- მართლა?
- აბა ტყუილად? გაზეთებში გამოაჭენეს.
- ეგ ფეხბურთთან რა შუაშია?
- გაზას ხომ არა ჰყავს და წამლის ბარიგა?
- ეგ რა საფეხბურთო თემაა?
- თუ ძმა ხარ. მერსონმა კოკაინის ფასი დააგდო მთელს ინგლისში.
- რატომ?
- იმდენს ყნოსავდა, რომ გააიაფა.
- მერე?
- მერე მაინც შეინარჩუნა კონდიცია. გაზა კი… ეჰ.
- რა, ეჰ?
- რა და გაზა.
- ვითომ რაო?
- რაო და ვერ გაიგე? გაზა ყოველთვის შუაშია. ახლა კი შუაში არავინ არ არის.
- და ხუან სებასტიან ვერონი?
- ეგ რა გვარი გაგიგია.
- აბა?
- თუ ძმა ხარ, ორი-სამი დღე მაცალე…
06.06.1998
