21 წლის პორტუგალიელ რუბენ ნევესს „მანჩესტერ სიტიმ” დაადგა თვალი და დიდი შანსია ზამთარში, როდესაც სატრანსფერო ბაზარი ისევ გაიხსნება, მასში „ვულვერჰემპტონ ვონდერერზს” 60 მილიონი გირვანქა შესთავაზოს.
ინგლისის ჩემპიონთა თავკაც პეპ გვარდიოლას კვლავაც უნდა ნახევარმცველის შეძენა. ის ვერ შეჰგუებია, რომ ბრაზილიელი ჟორჟინიო მან კი არა, „ჩელსიმ” იყიდა. კატალონიელი მწვრთნელი არარსდროს მალავდა, რომ თუ მისთვის ხელსაყრელი ფეხბურთელი გამოცნდებოდა, ის ფულს არ დაიშურებდა.
ნევესს, რომელიც 12 თვეა რაც „ვულვზში” თამაშობს პორტუგალიელ ანდრეა პირლოს უწოდებენ. პირლო მისი კერპი ყოფილა. „სიტი” 25 აგვისტოს თავად ჩადის „მოლინო სთედიუმზე” „ვულვზთან” შესახვედრად, წინა ტურში კი, როდესაც ნევესის გუნდმა „ევერტონთან” 2:2 ითამაშა, სკაუტები ჰყავდა მიგზავნილი. სკაუტებმა საკუთარი თვალით ნახეს, როგორ გაიტანა პორტუგალიელმა ერთი გოლი და როგორ გაატანინა მეორე.
გვარდიოლას ბურთის დამჭერი ფეხბურთელი სჭირდება და ნევესი თავისი შემოქმედებითი ნიჭით მისთვის ზედგამოჭრილია.
„სიტის” თავკაცმა კარგად იცის, რომ ნევესმა ბევრ ინტერვიუში აღნიშნა, თუ როგორ ეთაყვანება მას და ერთ მშვენიერ დღეს „ეტიჰედზე” გადაბარგებას ნატრობს.
ნევესს „ვულვერჰემპტონთან” 2023 წლამდე აქვს კონტრაქტი. გამოსასყიდი თანხა დათქმული არ არის, სატრანსფერო ფასი კი მის კარგ თამაშზე იქნება დამოკიდებული.
