ვითომც არაფერიო: ლევან გორგაძემ, ანუ ტოჩინოშინმა მავაშში მარცხენა ჩაავლო მეტოქეს და დოჰიოს თიხაში ჩაარჭო! არადა, მეტოქე ყოფილი ოძეკი კოტოსიოგიკუ იყო და აქამდე გამართულ შეხვედრებში ტოჩინოშინი 7:24 აგებდა.
ყველაზე საჭირო დროს კი მოუგო!
ხვალ ლევანს უმთავრესი გამოცდა ელის. თითო წაგებით კვალში ორი დიადი ჩემპიონი – ჰაკუჰო და კაკურიუ უდგას.
ჰოდა, ხვალ სწორედ ჰაკუჰოს უნდა დაეჯახოს. აქამდე ლევანი მისთვის ყველაზე უხერხულ მეტოქეს 25-ჯერ შეხვდა და ერთხელაც ვერ მოუგო.
იმედი ვიქონიოთ, ნავსი გატყდება. მცირე განმარტება: სუმო მეორე და მესამე ადგილებს არ ცნობს. მთელი დიდება ერთს უნდა ერგოს.
თუ ორი (ან მეტი) გოლიათი მოგებების თანაბარ რაოდენობას მოაგროვებს, მათ შორის სუპერჯახი დაინიშნება.
სულაც არ გვინდა, რომ დაგვჭირდეს.
ხვალ ნავსი უნდა გატყდეს!
