პეპ გვარდიო
ლა მკერდიდან ყვითელ ლენტს არ მოიშორებს. ის მხარს უჭერდა და უჭერს დაპატიმრებულ კატალონიელ პოლიტიკოსებს, ინგლისის ფეხბურთის ასოციაციამ კი როგორც უნდა ისე დასაჯოს.
ადრეც გაუწყეთ, რომ ყვითელი ლენტის ტარებისთვის ასოციაციამ „მანჩესტერ სიტის” თავკაცს ბრალი წაუყენა, მაგრამ მან ყურიც არ შეიბერტყა და კვირას, „კარაბაოს თასის” ფინალში ისევ ლენტით გამოეცხადა საზოგადოებას. მატჩის შემდეგ პრეს-კონფერენციაზე გვარდიოლამ თქვა:
„ფეხბურთის ასოციაციამ კარგად იცის, რომ მე ყვითელ ლენტს არ მოვიხსნი. ბოლოს და ბოლოს, სადმე სხვაგან შემიძლია ვატარო. ამის შესაძლებლობას უეფა იძლევა. უეფა ამბობს, რომ თუ პატივისცემის ჩარჩოებს არ გავცდები, პრობლემა არ შემექმნება. როგორც ჩანს ინგლისში სხვანაირი შეხედულება აქვთ.
მე თანავუგრძნობ იმ ხალხს, ვინც დააპატიმრეს და რომელთა დანაშაულიც არ მტკიცდება. ასეთ მდგომარეობაში შეიძლება ყველა ჩვენგანი ჩავარდეს. ფეხბურთის მწვრთნელამდე ადამიანი ვარ და ესეც ჰუმანურობის საკითხია.
ოთხი კაცი დაიჭირეს, დანარჩენებს კი ხელში იარაღი არ აუღიათ, მხოლოდ შემოხაზული ბიულეტენები ჩააგდეს ყუთში.
ფეხბურთის ასოციაციამ რაც უნდა ის მომისაჯოს. არაფერს გავაპროტესტებ. არავის მიმართ არვამჟღავნებ უპატივცემულობას, უბრალოდ ჰუმანიზმის ამბავია”.
