0:64 – საქართველომ გერმანია გადახნა
გასაგებია, რომ გერმანიაში რაგბი სულაც არ ითვლება სპორტის ფავორიტ სახეობად, მაგრამ თუნდაც სულ 15 გერმანელი თამაშობდეს რაგბს, ნახევარი გულით არასოდეს არაფერს აკეთებენ.
ეს დღესაც ნათლად გამოჩნდა: გერმანელები ბოლომდე იბრძოდნენ, პირველი ტაიმის ერთ მონაკვეთში ჩვენს ნახევარზეც დასახლდნენ, მაგრამ საქართველოს დღევანდელი ნაკრები ის ძალაა, აღმართსაც რომ მოხნავს.
ანგარიში ნაკლებად მნიშვნელოვანია. უფრო მეტი ტრიბუნებზე მისული ჩვენი გუნდის ქომაგების სიხარული იყო, რომელთა შორის საერთაშორისო სამხედრო მისიისთვის მოსამზადებლად გერმანიაში მყოფი ჩვენი ასეულიც იყო.
მადლობა ბიჭებს! ამდენი ლელოს დადებას რაგინდარა მეტოქესთან დიდი ოფლისღვრა სჭირდება.
რაგბი გუნდური თამაში კია, მაგრამ, თუ არ მიწყენთ, იმას გამოვარჩევ, ლელო რომ არ დაუდია – როცა ვიტო კოლელიშვილი მოედანზეა, არც ერთი მეტოქის არ მეშინია. დღესაც გადახნა!
და მაინც: რაგბი ერთობაშია!
