წელი ისე არ გაივლის, პელეს რომ არ ჰკითხონ, რონალდუ სჯობს თუ მესი. პელესაც არ ეზარება და ბრაზილიაში „სპორ TV“-სთან ინტერვიუში ისევ გაარჩია ეს საკითხი.
„მესი უფრო სტაბილური იყო ბოლო წლების განმავლობაში, კრიშტიანუ კი, რა თქმა უნდა, დიდი მეგოლეა. რონალდუ გამტანია, ხოლო მესი თამაშს აკეთებს, საგოლე პასებს არიგებს და თვითონაც ბევრი გააქვს. სადავო არაა, რომ ლეო კრიშტიანოზე უფრო სრულყოფილი ფეხბურთელია“- თქვა პელემ.
