იაპონელი კანოისტი იასუხირო სუზუკი ნიჩბოსნობიდან 8 წლით მოკვეთეს. მიზეზი – თანაგუნდელ სეიჯი კომატცუსთვის სასმელში აკრძალული რამ – ნივთიერება ჩაუყრია.
ეს მოხდა შარშან სექტემბერში ერთ-ერთი შეჯიბრის დროს. ამ გზით უნდოდა საოლიმპიადოდ კონკურენტი მოეშორებინა და კომატცუს დოპინგ ტესტმაც დადებითი შედეგი აჩვენა.
დოპინგიან ნიჩბოსანს, რასაკვირველია, დისკვალიფიკაცია გამოუწერეს, თუმცა სუზუკი სინდისმა შეაწუხა და აღიარა, რომ მისი ნამაიმუნარი საქმე იყო და მოიბოდიშა კიდეც.
სეიჯი კომატცუს დისკვალიფიკაცია მოუხსნეს, სუზუკის კი რვაწლიანი მიუსაჯეს და იმის გათვალისწინებით, რომ 32 წლისაა, „დიდ ავიაციაში“ ვეღარ დაბრუნდება.
