ნეიმარს სურს, თვითონ გადაწყვიტოს, რომელ მატჩში ითამაშებს და რომელში – არა. საიდან მოიტანა და ვინ მოუყვა, უცნობია, მაგრამ „Yahoo Sports“-ის ჟურნალისტმა დანკან კასტლესმა „პარი სენ ჟერმენიდან“ სწორედ ასეთი ამბავი გამოიტანა.
თუ ეს მართლია, მაშინ ძალიან იოლია ნეიმარის მომავლის წინასწარმეტყველება მისი მადის ზრდადობის გათვალისწინებით.
1) „ბარსელონადან“ წავიდა – მესის ჩრდილში ყოფნა აღარ ისურვა.
2) უძვირესია ფეხბურთის ისტორიაში – 222 მილიონი ევრო.
3) 36 მილიონ ევროს იღებს ხელზე.
4) ედინსონ კავანის პენლტის დარტყმის უფლება წაართვა.
5) თვითონ აირჩევს რომელ მატჩში უნდა ითამაშოს.
რა მოხდება ამის შემდეგ ?
6) უნაი ემერის გაუშვებენ და ნეიმარი გახდება მოთამაშე-მწვრთნელი, ოღონდ თვითონ აირჩევს, რომელი მატჩის წინ გაწვრთნას გუნდი და რომელის – არა.
7) ედინსონ კავანის აუკრძალავს საჯარიმოში შესვლას.
8) დაუნიშნავენ მწვრთნელობის ხელფასს – 36 მილიონ ევროს თვეში.
9) ორ წელწადში ექნება უფრო მეტი ფული, ვიდრე კლუბის პრეზიდენტ ნასერ ალ ხელაიფის.
10) 2019 წელს იყიდის პსჟ-ს. ამავე წელს ედინსონ კავანის სისხლში დოპინგი აღმოაჩნდება და ფეხბურთიდან მოკვეთენ.
11) 2020 წლის გაზაფხულზე ნეიმარი პარიზის მერის არჩევნებს მოიგებს, შემოდგომაზე კი ვადამდელ საპრეზიდენტო არჩევნებში ემანუელ მაკრონის – ამჟამინდელ პრეზიდენტს დაამარცხებს, დანი ალვეში კი გახდება მისი პირველი მრჩეველი პსჟ-ში პენალტების შესრულების საკითხებში.