თავის ფეისბუქ გვერდზე ქალთა მსოფლიოს ექსჩემპიონი სიუზან (ჟუჟა) პოლგარი ძველ კეთილ დროს იხსენებს, როცა მალიორკაზე, 2004 წლის 36-ე საჭადრაკო ოლიმპიადის მსვლელობისას მაია ჩიბურდანიძეს შეხვდა და ღირსეულ ბრძოლაში მოუგო. დები პოლგარების ტრიოდან უფროსის მიერ ატვირთულ ფოტოზე ჩანს ნონა გაფრინდაშვილიც, რომელიც ქართველის და უნგრელის პარტიას ყურადღებით ადევნებს თვალს.
უნგრელი მოჭადრაკე თავის პოსტში ქართველი ჩემპიონების მიმართ კომპლიმენტებს არ იშურებს და აღნიშნავს, რომ ნონა იყო ვაჟთა შორის პირველი და მაია – მეორე დიდოსტატი. “თამაშამდე ყველანი ვიღიმოდით – წერს პოლგარი – მაგრამ ზარის ჩამოკვრისთანავე იწყებოდა საქმე და მხოლოდ საქმე”.
