შურისძიების წყურვილი მოიკლა პერუს ნაკრების მეკარე პედრო გაიესემ და პერუელების მადლიც მოისხა – მსოფლიო ჩემპიონატის მიღმა დარჩენილ ჩილეს სამაგიერო მიუზღო.
2015 წელს პერუ შინ შესარჩევში ჩილესთან დამარცხდა ( 3:4) და ნამატჩევს თურმე, ჩილელთა მეკარე კლაუდიო ბრავოს გასახდელში კედელზე მიუწერია: “პატივისცემა ! აქ გაიარა ამერიკის ჩემპიონმა !”
ახლა, როცა პერუმ ახალ ზელანდიასთან მოგებით მსოფლიო ჩემპიონატის საგზური მიიღო, ჩილე კი ჯგუფში ჩარჩა, პედრო გაიესემ ბრავოს მინაწერი გაუხსენა, ინსტაგრამზე ატვირთა და ხურდაშიც ყურებამდე გაღიმებული „თავი“ მიაყოლა.
